Музейра курав уçăлнă
Иртнĕ эрнекун Элĕкри литературăпа таврапĕлÿ музейĕнче Кĕçĕн Тăванта пурăнакан Юрий Бурмистровăн ĕçĕсен куравĕ уçăлнă. Унта Тавăт вăтам шкулĕнче кĕçĕн классенче вĕренекенсем хутшăннă.
Илемлĕ курава музей директорĕ Ольга Алексеева уçнă. Вăл Ю.Бурмистров ÿнерçĕн пурнăçĕ, ĕçĕ-хĕлĕ çинчен каласа панă.
Çак куравра унăн илемлĕ те ăста ĕçĕсен пурĕ 37 ÿкерчĕкне курма пулать. Ытларах пейзаж, портрет - тĕрлĕ жанрлă композицисене вырнаçтарнă. Ÿнер произведенийĕсенчен чи интереслĕ ĕçĕсем шутне «Аттила», «Амазонка» ÿкерчĕксем кĕреççĕ. Ытти ĕçĕсем те куракансене тыткăнлаççĕ.
Новости
Прогноз погоды